Hvað ertu að teikna? Það sem er um kring. Hvers vegna? Til að mega koma við það. Og slíðra það? Jamm….. Hvað eru þá slíður? Borðstokksbrún, hulstur eggvopna, himnukennd blöð, svefnpokar, vera má vörn. Hvar eru miðin? Þar sem báturinn sker vatnsflötinn og þar sem báturinn steytir á. Bíðurðu bara eftir að rekast á? Nei, ég fer einnig til veiða og stundum leggst bráðin yfir mig. Bráðin? Já, sólbráð, snjóbráð, sykurbráð í lengdogbráð smjör - . Næringin til að stefna áleiðis. Fjögur kerti og segl. Og svona dagur. Ég veit ekki hvar hann er. Snú. Satt best að segja gleymast fyrirmyndirnar fljótt því augun eru á höttunum, síkvik. Eitthvað að lokum? Það væri þá helst þetta með friðinn og hversu lengi hann varir áður en sverðið er dregið úr.   Til baka