VIÐTAL INGÓLFS ARNARSSONAR VIÐ HUGINN ÞÓR ARASON

 

FYRIR MÉR ERU FÖTIN ÁKVEÐIÐ FRAMHALD AF SÝNINGU MINNI Í GALLERI DVERG ÁRIÐ 2003. ÞAR SÝNDI ÉG M.A. ÚTKLIPPT MÁLVERK. FORMRÍK MÁLVERK SEM HÖFÐU VERIÐ AÐ SAFNAST UPP OG ÉG VISSI ALDREI HVAÐ ÉG ÁTTI ALMENNILEGA AÐ GERA VIÐ.

ÉG LÍT Á ÞETTA FATAVERK SEM HREINT MÁLVERK. EN EINNIG HEF ÉG MJÖG MIKIÐ VERIÐ AÐ NOTA SJÁLFAN MIG Í VERKUM MÍNUM. GERA SJÁLFSMYNDIR. ÞÁ OFTAST Í FORMI GJÖRNINGA.

 

ÉG FÓR AÐ VELJA MÉR FÖT SEM LÍKTUST MÁLVERKUNUM MÍNUM. SJÓNRÆNT SÉÐ ERU ÞAU VANDLEGA VALIN. ÞEGAR ÉG KAUPI FÖT ÞÁ ER EIGINLEGA EINS OG ÉG SÉ AÐ VELJA LITATÚPUR.

FÖTIN SEM ÉG ER NÚNA AÐ KÓPERA ERU ALLT FÖT SEM ÉG NOTA DAGLEGA. ÓMEÐVITAÐ VISSI ÉG AÐ MUNDI EINHVERN TÍMANN  NOTA ÞAU Í MYNDLIST. ÉG HEF NOTAÐ FÖTIN Í NOKKRUM GJÖRNINGATENGDUM VERKUM. ÉG BYRJAÐI Á AÐ NOTA RÖNDÓTTA BOLI. T.D. Á SÝNINGU HRINGFERÐARHÓPSINS Í KETILHÚSI Á AKUREYRI 2001 OG Í VERKINU ÉG OG VIÐ FRÁ 2003.

 

KÓPÍERUÐU FÖTIN ERU EKKI AKKÚRAT. KÓPÍAN ER EKKI EINS OG ORGINALLINN. RÉTT SNIÐIN EÐA Í RÉTTUM HLUTFÖLLUM O.S.FRV. RENDUR, ORÐ OG MYNDIR ERU EKKI ALGJÖRLEGA Á RÉTTUM STAÐ OG SVO MÆTTI ÁFRAM TELJA. ÞAÐ ER ALLT  SKAKKT VIÐ VERKIN. ÞAÐ SÉST GREINILEGA AÐ ÞAU ERU HANDGERÐ OG MÁLUÐ. AUGLJÓSLEGA. VERKIÐ SAMANSTENDUR AF EFTIRHERMUM EKKI SPEGLUNUM.

HÁRKOLLAN HEFUR HINSVEGAR AÐEINS ÖÐRUVÍSI MERKINGU. HÚN ER ÚR MÍNU EIGIN HÁRI. LIFANDI HÁRI. HÁRIÐ ER AÐEINS FJÆR DAUÐUM HLUTUM HELDUR EN FÖTIN.

MEÐ SJÓNRÆNUM HJÚPNUM MYNDAST STERKARI TILFINNING FYRIR ÞVÍ SEM ER UNDIR YFIRBORÐINU.

 

ÉG ER MEÐ ÁKVEÐINN LITASKALA: BJARTA OG SKÆRA LITI. BARNALEGA LITI. LÍKA SVOLÍTIÐ IÐNAÐARLEGIR OG AUGLÝSINGALEGIR. LITIR SEM ERU NOTAÐIR TIL AÐ VEKJA ATHYGLI Á VÖRUM Í BORGARLANDSLAGI. ÞEIR FANGA ATHYGLI.

ÉG TENGI ÞÁ VIÐ LITI SEM MINIMALISTARNIR OG SÉRSTAKLEGA POPPLISTAMENN VORU AÐ NOTA. NÚTÍMALEGIR LITIR.

ÉG BLANDA HELST ALDREI LITI. FORÐAST ÞAÐ. KAUPI FYRIRFRAM BLANDAÐA LITI. ÞÁ ER HÆGT AÐ NOTA STRAX.

ÉG GET EKKI NOTAÐ DÖKKA LITI OG EKKERT SEM ER BÚIÐ AÐ BLANDA GRÁTT ÚTÍ. ÞÁ DEYR PARTUR AF LITNUM. HANN ÞYKKIST OG MAÐUR SÉR EKKI Í GEGNUM HANN.

ÉG VIL HAFA LITI HREINA OG LÉTTA; ÞUNNA. ÉG VIL AÐ MAÐUR SJÁI SMÁ Í GEGNUM ÞÁ. MÉR FINNST ÞYKKT ÓÞÆGILEGT. ÉG GET T.D. ALDREI VERIÐ Í RÚLLUKRAGAPEYSU.

FYRIR MÉR ER FEGURÐ Í LÉTTLEIKANUM. HANN ER HAMINGJUSAMUR. ÞAÐ VEKUR HAMINGJU AÐ VELJA HREINAN, TILBÚINN LIT. GANGA BEINT INN Í HANN.

 

LITIR ERU TILBÚIN VERÖLD. FÖT ERU ÞAÐ LÍKA, FÖTIN SEM MAÐUR KLÆÐIST. EINS HÁRIÐ Á MANNI; HÁRGREIÐSLAN MANNS. ÞAÐ ER HIÐ SJÓNRÆNA YFIRBORÐ. ÞAÐ ER AÐ FINNA INNAN ÞESSARAR VERALDAR.

ÞAÐ ER BÚIÐ AÐ BÚA ALLA ÞESSA VERÖLD TIL FYRIR ÞIG. EINA SEM ER EFTIR ER AÐ VELJA ÚR. ÞANNIG TENGIST ÞETTA VERK NÚTÍMASAMFÉLAGI. OG SVO T.D. DÆMIS ÞVÍ AÐ SAMPLA. ÞAÐ ER BÚIÐ AÐ LEGGJA GRUNNINN FYRIR ÞIG. SVO ER MAÐUR MEÐ FULLT AF DÓTI SEM VERÐUR AÐ ENDURRAÐA; SNÚA VIÐ EÐA GREIÐA ÚR FLÆKJUNNI. SVO BÚA TIL EITTHVAÐ NÝTT. EINS OG TÓNLISTARMENN GERA MEÐ SÖMPLUN.  MÉR FINNST LISTAMENN STANDA FRAMMI FYRIR KREATÍFU VALI Á FYRIRFRAM GEFNUM HLUTUM.

ÞAÐ ER MJÖG MIKILVÆGT AÐ GLEYMA EKKI AÐ ÞESSI TILBÚNA VERÖLD, ÞETTA SJÓNRÆNA YFIRBORÐ SEM MAÐUR VELUR SÉR, ER BÚIÐ TIL Á MJÖG KREATÍFAN HÁTT. PERSÓNULEGA VEL ÉG GLAÐVÆRA HLUTI TIL AÐ VINNA ÚR.

UNDIRMEÐVITUNDIN VINNUR KANNSKI Á ÞANN HÁTT AÐ HÚN GREIÐIR ÚR DÓTINU FYRIR ÞIG OG ÝTIR MANNI LÚMSKT AÐ ÚRVINNSLUNNI. EÐA FREKAR SENDIR MANNI MYND AF HENNI. ÞEGAR ÞAÐ HEFUR GERST HERMIR MAÐUR EFTIR ÞESSARI MYND Í VERKI. ÞAÐ GERI ÉG ALLTAF ALLAVEGA.

ÞESSAR SENDINGAR ERU EKKERT MYSTÍSKAR EÐA DRAUMKENNDAR. HELDUR FREKAR ER MANNS EIGINN HEIMUR Í SÍFELLDRI SKÖPUN EÐA ÞRÓUN.

 

SEM UNGLINGUR VAR ÉG ALLTAF HRIFINN AF ABSTRAKT MÁLVERKUM. ÞAÐ FANNST MÉR VERA MYNDLIST. ÞOLDI EKKI T.D. ANDY WARHOL. SKYLDI ALDREI HVAD HANN VAR AD GERA. EÐA VILDI EKKI SKILJA ÞAÐ. MÉR FANNST FÁRANLEGT AÐ GETA GERT SJÁLFAN SIG ALGJÖRLEGA AÐ MYNDLISTARVERKI. EN SEINNA KOMST ÉG AÐ ÞVÍ AÐ ÞAÐ VILDI ÉG ALLTAF GERA SJÁLFUR. ÞAÐ ER OFT ÞANNIG MEÐ HLUTI SEM MAÐUR ÞOLIR EKKI. MAÐUR ÞRÁIR ÞÁ.

SVIPAÐ GERÐIST MEÐ LITI. ÉG FÓR AÐ NOTA LITI SEM ÉG ÞOLDI EKKI. GANGA Í LITUM SEM ÉG ÞOLDI EKKI. ÁÐUR VAR ÉG ALLTAF Í JARÐLITUM. Á FERMINGARALDRI. NÚTÍMALEGIR POPPLITIR ÖGRUÐU MÉR. ÞAÐ BREYTTIST SVO AÐEINS EINMITT Í GEGNUM FÖT. ÞEGAR ÉG UPPGÖTVAÐI ACID HOUSE OG HARDCORE DANSTÓNLIST SEM UNGLINGUR OG ALLA ÞÁ FATATÍSKU SEM FYLGDI ÞEIRRI TÓNLIST.

 

ÞAÐ MÁ SEGJA AÐ MEÐ ÞESSU VERKI ER ÉG AÐ REYNA AÐ OPNA FYRIR NÝJA ÚRVINNSLUMÖGULEIKA Á ABSTRAKT MÁLVERKI. Í RAUNINNI ER ÞESSI SÝNING FYRIR MÉR MJÖG KLASSÍSK.